(CuracaoChronicle) – Corsou actualmente no ta eligibel pa mas sosten di likides di Hulanda. Secretario di Estado pa Asuntonan Interno y Relacionnan di Reino, Raymond Knops a destaca na e actual gobierno saliente cu e legislacion pa un reduccion di 25% den e pakete total di condicion laboral pa minister y miembronan di parlamento mester a wordo aproba pa dia 1 di januari 2021.
Legislacion riba e rekisito di limitacion di salario di oficialnan top den companianan gubernamental, y un reduccion di 12.5% di e pakete di condicion laboral pa ambtenaar, tampoco a wordo implementa ainda. Tanten cu esaki no sucede, Corsou no por ricibi mas prestamo.
Segun Hunta di Supervision Financiero Cft, Corsou actualmente no tin mester di prestamo. Cft a declara cu Corsou ainda tin suficiente recurso pa e segundo kwartaal di 2021.
