Gobierno di Corsou a informa e compania nacional di petroleo Venezolano PdVSA cu e mester pone e refineria Isla bek na e nivel di produccion di 335,000 b/d y den bon condicion ademas di paga 26 miyon dollar na debe pa servicionan publico, prome cu su contracto di operacion caduca na december.

E refineria mester ta por lo menos den un estado regular di mantencion aceptabel, despues di tanto aña di operacion of miho, director interino di e compania di refineria estatal di Corsou RdK, Marcelino de Lannoy a bisa den un entrevista cu Argus.

RdK ta bisa cu PdVSA a mantene e pagonan di huur di 1.66 miyon dollar pa luna, pero debe 26 miyon dollar na e empresa di servicio publico CRU pa e suministro di steam, awa y coriente bou virtud di un contract di pago of entrega.

PdVSA a opera e refineria y e terminal asocia di Bullen Bay bou un contracto di huur di largo plaso firma, despues cu Shell a debolbe e facilidad na gobierno local na 1985.

Despues di, por lo menos, dos comienso falso, Corsou ta buscando un operador di refineria nobo. Un socio potencial sin nomber, recientemente a realisa un bishita na e sitio y ta spera cu e di dos yega na juni, RdK ta bisa. Ta spera propuestanan habri na juli. Entre e empresanan cu anteriormente a considera e instalacion, a haya e unidad di refinacion Motiva Saudi Aramco na Merca.

E ultimo añanan, e refineria a cera principalmente debi na e falta di materia prima, servicionan di mantencion y servicionan publico, cu ta menasa e existencia di 2,000 trahado local, mientras cu e actividad na e terminal di Bullen Bay a reduci na actividad minimo.

Na principio di mei, Corsou a ricibi un licencia di Tesoro di Merca, cu lo aclaria e forma di contrata un socio nobo pa e refineria sin bay contra e sancionnan Mericano na PdVSA.

E compania petrolero na Corsou ta parti di e red logistico cu algun biaha tabatin exito di PdVSA den Caribe Hulandes. E actividad a baha pa motibo cu e hurisdiccion legal Hulandes a facilita e incautacion di activonan Venezolano pa un multitud di creditornan den e ultimo añanan. E funcionarionan di Isla y PdVSA no por a ser contacta pa duna nan comentario.

Actualmente Corsou tin aproximadamente 27,000 inmigrantenan Venezolano, di un poblacion di 160,000, parti di un ola di refugiadonan den full e region alimenta pa e crisis politico y economico di Venezuela. Gobierno Hulandes a aproba recientemente 24 miyon euro pa asina yuda Corsou y Aruba maneha e fluho di migracion.