“E no ta un bon idea pa ahusta e comision di foreign exchange fee pa rescata e banco di Corsou y spera cu Sint Maarten lo haci mescos, sin tene na cuenta e consecuencianan economico pa Sint Maarten”
Esaki ta opinion firme di Sarah Wescot-Williams lider di e parlamento di e partido United Democrats (UD), tocante e propuesta di Corsou pa aumenta e foreign exchange fee a traves di Banco Central pa asina Corsou y Sint Maarten rescata Girobank cu tin base unicamente na Corsou.
Un di e propuestanan di gobierno di Corsou pa resolve r problema di Girobank ta un aumento den e foreign exchange fee, cobra pa e banconan na Corsou y Sint Maarten na nan clientenan, ora di haci pagonan uzando dollar of cumprando dollar etc.
“ E prome pregunta cu ta bin na mente ta si e Minister di CBCS Corsou a consulta cu su partner Sint Maarten prome di haci esaki publico y crea panico cu pa motibo di e aumento propuesta. Si e aumento aki lo ser perhudicial pa e economia di Sint Maarten, un economia cu ta dolarisa y ainda ta sigui sufri di e efectonan di e horcan na 2017. E foreign exchange fee ta un tasa cu ta pagabel na e gobiernonan di Corsou y Sint Maarten respectivamente. Tin alrededor di 26 miyon pa e kluis di e gobierno di Sint Maarten y aproximadamente e dobel di e cantidad pa Corsou”, Wescot-Williams a bisa den un comentario invita tocante e asunto.
“ Ta parce cu Corsou mester di un suma grandi di placa pa asina salba Girobank, pero den mi opinion nan mester busca esaki na un otro luga”, el a agrega.
“ Mientras cu e anuncio aki mester crea un reaccion instintivo di parti di Sint Maarten, un bes mas e ta pone desigualdad den e union monetario di CBCS directamente riba e mesa. Por lo tanto nos mester agrega e prioridadnan di e reforma financiero y e reforma economico, E asuntonan di e union monetario entre Sint Maarten y Corsou y e dolarisacion. Siguramente esaki lo ser defende pa e fraccion United Democratic cu un caracter di urgencia “.Wescot-Williams a sigura.
