(CuraçaoChronicle) – Esnan cu viola ley di trafico mester ricibi boet a base di nan nummerplaat. Pa medio di otorga boet di e manera aki por castiga esnan cu no cumpli den futuro a base di imagennan di camara banda di caminda. Un proposicion pa yega areglo lo yega di parti di Departamento di Husticia via post.
E legislacion actual no ta inclui e metodo aki basa riba nummerplaat, cual ta nifica cu polis mester fisicamente para e chauffeur pa otorga un boet. E camaranan cu actualmente ta instala banda di caminda manera na Helmin Wels Boulevard, no ta den uso.
Minister encarga cu e tema, Charles Cooper di Trafico y Transport a bisa cu un comite cu ta consisti di representantenan di e ministerionan VVRP y Husticia actualmente ta tragando riba prepara un legislacion cu lo keda completa y manda na parlamento pa considera.
E cambio legal aki ta resulta den un proposicion di acuerdo cu ta yega na e dono di e vehiculo, sin importa ken tabata tras di e stuurwiel na momento cu a viola e regla di trafico. Na momento cu comete un violacion y e camara graba esaki, e doño di e vehiculo ta ricibi e boet na cas.
