Na luna di juni e hoben Benjamine Novile Josiah Baker ta fayece den un accidente di motorcycle. E ta perde control riba stuur y ta dal cu su cabes den vangrail. Benjamin ta fayece mesora. Algun minuut despues e prome periodistanan ta yega na e sitio y ta live stream tur cos via Facebook. Henter Corsou por wak e hoben cu a muri den desgracia.

Medionan di comunicacion hasta ta bay asina leu cu dia riba 18 di juli ultimo na Bullenbaai, Luwendrick Martha di 14 aña di edad ta fayece den un accidente di trafico, nan ta filma su mama ful den camara ora e caba di yega na e sitio di e accidente y ta collapse di verdriet. Esaki ta segun e fuente Retkaribense.

Yegada di medionan di comunicacion social, ta facilita cu por comparti tur cos mesora via internet. Djis primi un conopi y tur hende por mira. Den e caso di Benjamin, tabata un bista riba su seso cu tabata riba e asfalt. Un imagen cu cerca hopi hende a keda graba den nan mente.

Liz van de Laar a skirbi un post riba Facebook caminda el a exigi pa Extra kita e imagennan. “Nan a reacciona mesora y a kita e imagennan, pero e ora ey tabata laat caba, ya e daño a tuma luga caba”, Van de Laar ta bisa.

‘No ta nos intencion’
Segun Valesca Diaz, redactor Hefe di Extra, e imagennan en berdad a bay mucho leu: “No ta nos reportero a saca e imagennan di e seso di Benjamin. El a bay live si for di e sitio caminda esaki a sosode. Mi a papia cune tocante di esaki, cu nos di Extra, di niun manera no kier pa e famia di e defunto via nos canal di media tende cu nan ser keri a fayece. E motibo pakico nos ta presente na e tiponan di accidente asina ta pasobra nos kier informa comunidad cu algo a sosode, y kisas cu nan por scoge un otro ruta, no pasobra nos kier comparti imagen hororoso. Esey no ta nos intencion”, segun Diaz.

Segun e Redactor Hefe, lo mester a duna mas training pa pone tur periodista pensa den e mesun direccion. Ex politico Omayra Leeflang, diescuater aña pasa como Minister di Trafico, tambe a trata cu esaki. Na prome instancia el a concebi un Codigo di Conducta pa Media.

E tempo ey, specialmente pa fotografonan di prensa, cu tabata saca potret yen di sanger pa e prome pagina di e corantnan. No ta tur hende kier a firma e Codigo di Conducta: “Den e Codigo di Conducta aki tabatin un facilidad di meld. Esey kier men cu tur hende, ciudadano tambe, por a meld si a viola e Codigo di Conducta”, segun Leeflang. Ningun hende kier a firma e Codigo di Conducta, y p’esey e lei no a pasa nunca.

Ta trahando un ley
Segun e actual Minister di Enseñansa, Ciencia, Cultura y Deporte, Marilyn Alcalá-Walle, tin un ley ta bini pa establece un tipo di codigo pa media. E Minister cu ta trata esaki ta e Minister di Transport, Trafico y Planificacion Espacial, Zita Jesus-Leito. No ta conoci si aki den tin regla di conducta cu media mester tene nan na dje.

Foto cortesia retkaribense.