Diabierna corte di prome instancia a dicta sentencia den e caso Maximus. Ta trata di e caso den cua Ministerio Publico a presenta e sospechoso intelectual pa loke ta trata e asesinato di Helmin Wiels. Dia 10 di juni ultimo corte a trata e caso y e momento ey fiscal a haci un demanda di 30 aña di castigo pa Jorge Jamaloodin.
Hues a lesa e veredicto a dictando cu Jamaloodin ta haya libertad (vrijspraak) pa e caso Passaat. Esey ta e caso cu a acusa Jamaloodin di a cambia fecha deliberadamente pa asina beneficia su famia relaciona cu e Inkeerregeling. Hues a dicta tambe cu no por proba “medeplichting” pero si “uitlokken” de caso di Jamaloodin no
Ta condena Jamaloodin pa e “uitlokken” di e morto di Wiels. Pa loke ta trata e caso Germanium , esta e centro di bario di Steenrijk ta haya ku Jamaloodin, como minister a malversa placa di gobierno. Hues a papia tambe den su veredicto di un asesinato politico cu ta algo mucho mas pisa cu cualke otro caso. Hues a dicta sentencia di 28 aña di castigo pa Jorge Jamaloodin pa loke e hues mes a tipifica come un asesinato politico.
Manera indica anteriormente corte a trata e caso durante di algun dia den juni, pero ta te 26 juli hues van Lieshout a cera e caso oficialmente. Den corte tabata tin henter famia, esta ruman y yiunan di e defunto. E aña aki, dia 5 di mei, a cumpli 6 aña di asesinato di e lider politico di Pueblo Soberano. Investigacionnan ta sigui segun ministerio publico. Tin diferente hende mas cu ta sospechoso den e caso aki.
