(CuraçaoChronicle) – Minister di Husticia Shalten Hato a lansa un atake contra Amnesty International, acusando e organisacion di a ilustra Corsou di manera negativo via “politica simbolico”. Na mesun tempo, Merca a pone Corsou den e mesun grupo di paisnan manera Afghanistan ora ta trata di combati trafico humano.
Den un carta dirigi na Parlamento, Hato a expresa cu e ta irita cu e reportahe cu Amnesty a publica den februari, cual a enfatisa e maltrato cu Venezolanonan cu a busca refugio na Corsou a causa di e situacion den nan pais ta enfrenta. Den october di aña 2021, Amnesty a bati alarma tocante e condicionnan deplorabel bao cual e Venezolanonan tabata keda deteni, incluyendo e negacion di acceso na cuido medico.
Esunnan cu no tabata den centro di detencion mientras ta warda pa deportacion tabata bao riesgo di explotacion di dunadornan di empleo of ta ser forsa drenta den prostitucion. Aunke Amnesty si a admiti y elogia algun mehora e aña aki, nan a señala tambe cu hopi abuso te ainda ta persisti. Hato a nenga rotundamente e critica, asertando cu e gobierno ta respeta derechonan humano manera el a skirbi na Parlamento.
Minister Hato tambe a contradeci e reportahe Trafficking in Persons Report cu Departamento di Estado di Merca a publica siman pasa. Den e reportahe aki, e Gabinete Pisas ta ser fuertemente critica pa falta di haci esfuerso suficiente pa combati trafico humano y proteccion di migrantenan/refugiadonan Venezolano. Como resultado, Corsou a ser poni den e nivel mas abao di e paisnan cu no ta cumpli cu e rekisitonan minimo pa combati trafico humano, un status comparti cu paisnan manera Cambodia, Cuba, Belarus y Afghanistan.
Luna pasa, Halto Comisario di Nacionnan Uni y European Committee for Prevention of Torture and Inhuman or Degrading Treatmento or Punishment tambe a expresa critica fuerte contra e gobierno di Pais y con nan ta trata Venezolanonan. Den su respuesto na e reportahe mas recien di Amnesty, Alexandra van huffelen a declara cu e ta satisfecho cu e esfuerso di Willemstad pa mehora e trato di refugiadonan Venezolano.
Curaçao Chronicle tambe a reporta cu Amnesty International a pidi un reunion cu e parlamento di Corsou pa dialoga tocante e trato cu refugiadonan ta ricibi riba e isla despues di e reportahe cu a publica den februari. E resultadonan principal di e reportahe ak ita tabata cu e autoridadnan di corsou ta haci uso di artikel 3 di European Convention on Human Rights pa rechasa peticionnan di proteccion na luga di provee proteccion. E procedura di proteccion local estableci den aña 2019 no a otorga proteccion na ningun refugiado te awo, y te ainda no tin acceso garantisa pa asistencia legal ni tampoco informacion.
Adultonan y muchanan sin un reviso hudicial ta keda deteni.
Amnesty International a conduci un bishita na Corsou den october di aña pasa y a tene dialogonan valioso cu oficialnan di e Ministerio di Husticia. Tambe nan a bishita SDKK y e bishita aki tambe tabata altamente aprecia.
E organisacion actualmente ta investigaion e situacion di refugiadonan na Aruba mientras tambe ta monitor e situacion na Corsou. Un ekipo di investigacion di Amnesty International lo bishita Aruba y Corsou for di September 18 te cu 20.
