(CuraçaoChronicle) – Gobierno di Corsou a revela plan pa impone un impuesto riba turistanan pa e uso di e isla su lama, oceano y naturalesa. Di acuerdo na reportahenan basa riba un ordenansa estableciendo e Nature and Environmental Management Fund, turistanan lo ser rekeri paga un tarifa di 55 dollar of 100 florin.
Turistanan di crucero y turistanan cu keda riba e isla pa menos di 24 ora lo mester paga un tarifa reduci di 10 dollar. Entidadnan comercial y individuonan utilisando e recursonan natural aki pa propositonan comercial mester paga un tarifa anual di 1,500 dollar. Muchanan bao 13 aña di edad y residentenan di Corsou y ex Antianan Hulandes lo ta un excepcion na esaki.
Gobierno di Corsou lidera pa Gilmar Pisas, no a anuncia e proposicion aki oficialmente. Minister di Finanzas y Salud, Ambiente y Naturalesa Javier Silvania a bisa corantnan cu e no tabata altanto di e plannan aki.
E proposito di e legislacion cu a propone ta pa compensa e impacto ambiental causa pa actividadnan recreacional, deporte y otro actividadnan den naturalesa y ambiente. Ministerio di Salud, Ambiente y Naturalesa tin e meta di establece un fondo cu lo promove e proteccion y uso sostenibel di e isla su recursonan natural.
E concepto aki ta basa riba un reportahe di Waitt Institute, cual a calcula cu e gobierno por genera mas o menos 4.8 miyon dollar anualmente pa medio di aplica un tarifa di 15 oa 25 dollar den actividadnan manera buceo y snorkeling na turistanan. Pa medio di implementa un tarifa hopi mas halto cu ta inclui otro deportenan acuatico y un grupo di persona mas grandi, ta anticipa cu lo tin ganashinan hopi mas halto pa e fondo.
Varios pais mundialmente ta implementando tarifanan similar pa buceo of uso di naturalesa pa financia nan esfuersonan pa conservacion di naturalesa y bida marino. Bonaire ya caba a implementa un impuesto similar
