Corsou: Fecha pa entrega di hospital ainda ta desconoci

E administracion di e hospital nobo na Otrobanda, Centro Medico di Corsou ainda ta negociando e entregamento di e hospital nobo.

Na luna di mei a anuncia cu Ballast Nedam no a cumpli cu e fecha di finalisacion di 1 di april. Ainda no ta cla ki tempo lo habri e hospital. Ta spera cu ta fin di aña esaki lo habri. Gilbert Martina director di HNO no kier a duna mas informacion.

“ Nan a bisa cu nan ta trahando duro pa logra esaki”, Martina a bisa.