Durante fin di siman RCC (Centro di Rescate Corsou) a detecta un nave sospechoso riba radar, cu tabata nabega for di direccion zuid den direccion di Daaibooi. RCC a dirigi e avion di Wardacosta pa bay na e contacto pa investiga esaki.
Na yegada na e localidad, tripulacion di e avion a mira con paketenan tabata keda transferi for di e boto pa un vehiculo riba tera. Despues di esaki, e vehiculo a sali core cu velocidad halto direccion di caretera publico y e boto a nabega bay.
RCC mes ora a informa Polis y Duana pa inicia un buskeda den e area di Daaibooi. Autoridadnan a haci un entrada hudicial, riba indicacion di e avion, den un cas den bisindario. Riba un tereno pega ey banda sistematicamente a haci buskeda, durante cua a haci uzo di un ekipo di buskeda specialmente entrena y prepara di Defensa area Caribe.
E helicopter di Wardacosta a keda desplega den esaki bulando varios biaha riba e area, pa asisti e partnernan.
Esaki ta un ehempel di bon colaboracion entre Wardacosta, autoridadnan local y Defensa, durante cua diferente pakete cu droga y un arma a keda internista.
