Diahuebs ultimo Rescue and Coordination Center (RCC) a detecta un boto sospechoso riba radar. RCC a informa cutter Jaguar di warda costa cual a ser despacha inmediatamente pa e boto.
E tripulantenan di e Jaguar a confirma despues cu e boto asina yama “El Poder de Dios”, tabata riba ruta pa Corsou cu mercancia.
Duana tambe a ser informa mientras e Jaguar a guia e boto pa e bahia di St. Anna. Durante di e control di duana, e documentonan di e despacho Colombiano a resulta di ta falso. Warda costa ta hiba controlnan stricto na tur e botonan di Venezuela y Colombia cu ta drenta y sali di e puerto pa cumpra of/y bende productonan.
E controla aki ta wordo haci cu colaboracion estrecho cu Marechaussee Hulandes, Duana y e autoridadnan portuario di Aruba, Corsou y Boneiro. Tur boto mester tin e documento oficial su nan semper. Warda Costa ta adverti si e leynan no wordo cumpli, nan lo ser enforsa y lo tin detencion.
