(CuraçaoChronicle) – Den respuesta na e circulacion di e biyetenan falso di 100 florin, varios stacion di gasolin y supermarket riba e isla a implementa politica pa no acepta e biyetenan aki mas.
Segun vocero, “e negoshinan ta den nan derecho pa nenga e biyetenan aki. E ley aki ta duna nan e libertad aki. Clientenan no por obliga e negoshinan acepta cash, apesar di su status como placa legal.”
Banco Central di Corsou y Sint Maarten (CBCS) a indica cu e circulacion di e biyetenan falso ta sospecha di ta minimo. Nan a provee guia na e negociantenan riba con pa identifica e biyetenan falso, incluyendo e uso di un marker special.
Den april, CBCS a duna un advertencia tocante e biyetenan di 100 florin. E biyetenan fraudulento aki ta crea cu materialnan di calidad halto, cual ta haci un desafio pa distingui esaki cu e biyete genuino. Cada biyete falso ta inclui un marca cu ta similar na e logo di CBCS, visibel como un gradient ora cu pone esaki contra luz, ambos scur y mas licht cu e papel alrededor. Ademas, e letter N y A ta crucial pa motibo cu nan mester alinea perfectamente cu otro y e ink por ser sinti den varios parti dilanti di e biyete.
Tambe por diferencia entre e biyetenan real y falso pa medio di mira e ink, pa motibo cu e biyetenan falso tin un ink mas cla den e letternan chikito patras di e biyete, creando un efecto di transicion di color. Ademas, e tercer motif riba e biyete falso ta traha cu ink mas scur y tin falta di e glitter cu ta presente riba e biyete autentico.
CBCS ta sigui urgi vigilancia entre e negociantenan y e publico, enfatisando e importancia di verifica e autenticidad di biyetenan prome cu acepta nan den transaccion.
