Recien Metal Shark di Wardacosta den awanan teritorial di Corsou a intercepta un barco Venezolano cu tabata tin 10 persona a bordo.
Durante di e accion aki, e barco Venezolano a cuminsa sink. E dies personanan cu, tabata a bordo y di diferente nacionalidad, a wordo transporta pa e Punto di Sosten di Wardacosta na unda a entrega nan na KPC.
Despues a tou e barco cu ya caba tabata mita bou di awa, cu e cutter Jaguar di Wardacosta pa e pier na base di marina na Parera.
E siguiente mainta, 1 augustus a saca e barco cu ayudo di sambuyadonan di Defensa, mientras cu Cuerpo di Bombero di Corsou a pomp saca e awa. Despues di esaki personal di Wardacosta, hunto cu un team di Zr.Ms. Groningen y Duana a listra e barco minuciosamente.
Esaki a resulta den un hayazgo di mas cu 800 kilo di cocaina den un compartimento scondi den e barco. Entretanto e droga a wordo destrui riba ordo di Ministerio Publico y e pasaheronan awor ta considera como sospechoso.
