Recientemente Vocero di Cuerpo Policial Imro Zwerwer, ta bisa cu e edificio di Belastingkantoor a wordo intencionalmente pega na candela.
E vocero a confirma cu e video di Belasting cu Polis a publica, ta original. Pues no ta un video cu otronan a manipula y edita, manera tabata ser bisa den tur gremio ayera.
Riba rednan social ta masha hopi comentario tabatin di cu ta gañando pueblo cu e video y cu esaki ta un video mal edita pa colmo.
Zwerwer a bisa cu e fecha y orario den e camara no tabata bon programa y p’esey por tuma nota di otro fecha y orario riba e video.
Un punto cu hopi a para keto na dje ta cu Zwerwer mes a bisa cu no a haya e obheto cu a uza pa pega e luga na candela, pues ta straño con toch por sa cu e luga a ser pega na candela.
Riba e videonan cu a keda publica, na niun caminda por tuma nota cu e hende cu a baha for di e auto a haci algo pa pega e edificio na candela.
