Recientemente autoridadnan policial a detene e fotografo di prensa Umpy Welvaart. Esaki ta en conexion cu e droga y arma haya riba e boto El Capo dia 22 di augustus ultimo.
E boto aki ta propiedad di e fotografo di prensa. Vocero di Ministerio Publico a confirma pa cu a detene e homber y e investigacion ta canando.
Riba e fecha menciona Warda Costa a informa cu dia 22 di augustus ultimo den oranan laat di anochi, ultimo e Centro di Rescate y Coordinacion di Warda Costa a detecta un contacto sospechoso riba radar.
RCC a dirigi un patruya di Metal Shark di Warda Costa na e localidad pa por haci un investigacion riba e boto. Durante di control riba e boto cu e nomber El Capo, e patruya e topa algun pakete di cual ta sospecha cu e contenido ta droga. Na bordo di e boto tabatin dos hende homber cu a nabega cu e boto for di zuid bay Spaanse Water.
E dos personanan y e paketenan a keda entrega na KPC pa haci mas investigacion. Entre tanto ayera nan a keda presenta dilanti Hues Comisario cual a prolonga nan detencion cu ocho dia mas.
