Paspoort lo costa 200 florin desde awo. Esaki ta 100 florin mas caro cu actualmente. Personanan di 0 te cu 17 aña lo sigui pasa 100 florin. Esaki ta locual Parlamento a dicidi na principio di siman pasa.
E tratamento di cambio na e Ordenansa Nacional pa e tramita paspoort ta data bek na 2015. E rason principal di e cambio aki ta cu e tarifa actual ya no ta cubri gastonan, inclui e pago di 88 Florin pa Reino, e Minister encarga, Armin Konket a splica.
Anteriormente Prome Minister Eugene Rhuggenaath a anuncia cu un serie di servicio ofreci pa gobierno lo aumenta nan tarifanan. Segun Prome Minister, ta parce cu e servicio cu e tarifanan cu a aplica te cu awo ta subsidia pa gobierno, na luga di genera ingresonan di esaki.
