Un acercamento holistico y integral di salud ta encera haci maximo uzo di tur dimension di salud y ekipa tur aria di e Ministerio di SMN pa por contribui na miho servicio y salud pa pueblo, sin exclui niun hende. Gobierno lo uza dato y crea facilidad pa desaroya su maneho y substancia su tomo di decision. Cu madurez politico Gobierno lo posesiona maneho nan existente basa riba un structura di servicio eficaz, na beneficio di e pueblo en general

Pa alcansa calidad di bida halto ta necesario crea e siguiente condicionnan den cuadro di desaroyo ecologico;

Nos ta bay inicia den colaboracion cu cientificonan un mecanismo di maneho, cu por duna un impresion di e nivel di nos rikesa natural. Tambe nos lo haci esfuerso pa por yega na un indicacion di e origen pa loke ta trata e catalisando di e resultadonan. Tambe investiga solucionnan pa contraresta decadencia y sostene pa mehoransa nan tuma luga.

Nos lo maneha e balansa ecologico pa medio di regulacion, maneho y investigacion cientifico cu ta duna puntonan di atencion pa mantene un balansa ecologico optimal den nos lama nan teritorial pa por garantisa un efecto beneficioso y balansá, tanto pa nos pesca local, pa uzo di transporte y recreashonal. Esakinan den colaboracion interministerial.

Nos lo crea un centro di investigacion cientifico pa midi e impacto cu keintamento di nos planeta tin riba e bankinan di pisca na lamanan rond Corsou.

Lo cambia ley di construccion di cas y lo modernisa e concepto di construccion di edificio, pa e lei aki tin den dje e filosofia cu ta construi cu sabiduria (Smart buildings) y cu ta recoge awa di yobe di forma sabi mester cue mas tanto posibel cada gota di awa cu yobe. E ordenansa di construccion di cas y edificio mester decreta cu den cada construccion tin obligatoriamente facilidad pa recoge awa di yobe.

Ta bay revisa henter e sistema di desague di nos pais y ta aktualis’é di forma cu e ta hiba tur awa cu cay direccion di e 2 centralnan di procesamento di awa. Si ta necesario ta construi central nobo tambe.

Lo bin dos tipo di awa: e awa di calidad inferior cu lo wordo uza pa tur otro cos I awa di calidad superior pa consumo humano

Pa studia e posibilidad pa awa salu desechabel di barconan pa wak si por recicla esaki

Laga naturalesa atras pa futuro generacionnan di un manera cu nan tambe por disfruta di dje mescos cu e generacion aki.

Proteccion adecua pa nos flora y founa

Energia alternativo tin cu ta e solucion fundamental pa libra Corsou for di e gara di petroli y alabes contribui na cuida nos planeta pa futuro generacionnan.

percura pa infrastructura adecua den tur bario, entre otro camindanan adecua y bon mantene, posibilidad pa recreo y deporte, actividadnan cultural y social.

Pa alcansa nivel di bida halto ta necesario crea e siguiente condicionnan den cuadro di desaroyo ecologico;

Stimula uzo y diseño di casnan y otro edificionan nobo mas berde posibel, entre otro via energia solar, esaki den cooperacion cu e ministerio di VVRP.

Mester sigui desaroya Corsou como un atraccion turistico, pa cu Medio Ambiente.

Waste energy

Proyecto pa procesa 175 mil tonelada di sushi cu por genera alrededor di 10-15 MW di energia diariamente. Esaki tambe ta resolve un parti ambiental y di maneho di sushi cu no ta canando bon; nos tin mas di 100 luga clandestino caminda ta tira sushi riba nos isla, e plan ta;

Desaroya un maneho di compra y benta di sushi recicla cu mira pa yega na un Corsou mas limpi

Ganaderia, Agricultura y Pesca

Establece un strategia nacional pa desaroyo di agro- industria na Corsou.

Haci un estudio di suela y di factibilidad di produccion agricola y ganadero.

Promove e prome mercado pa benta di produccion di nos cunucu y nos lama.

Desaroya un facilidad den forma di un incentivo pa importacion di fertilisante organico pa nos tera por duna un mayor rendimento di loke nos cultiva.

Duna un incentivo pa uza awa trata, exclusivamente pa ora ta planta den cunucu.

Desaroya, ehecuta y instala un planta pa tratamento di awa di lama pa uzo exclusivo den cunucu. E planta ey lo traha 100% riba energia renovabel.

Nos lo promove cultivo di fruta y berdura organico cultiva den ‘cas di glas na temperatura adecua’.

Nos lo entama un facilidad di siguridad huridico y financiero na agro- industria y na su inversionistanan.

Duna impulso na creacion di un flota peskero innovativo pa pisca den awanan hundo teritorial.

Nos lo duna incentivo pa modernisa y aumenta e flota peskero ku ta pisca mas cerca di Costa.

Nos lo instala e prome tayer nacional di motor Marino cu cua nos lo apoya piscadonan y nos lo garantisa maximo funcionamento di e motor di nan boto, y un skema di mantencion debidamente.

Uzo de tecnologia den e flota peskero cu ta pisca mas cerca di costa y nos awanan teritorial, lo wordo promove.

Nos lo hiba un maneho innovativo relata na e flota peskero den awa hunto teritorial pa utilisa su productonan na prome luga pa sostene nos indice soberano alimenticio di calidad halto tanto fresco como procesa, sigui pa posibilidad di exporta e surplus procesa internacional.

Nos lo crea e prome finca ganadero na e isla aki caminda e condicionnan di suela, clima y vegetacion ta permiti desaroya industria panadero.

Nos lo realisa conexion productivo pa comercialisa y esey lo ta mas cumbiniendo pa cumpli cu demanda di consumidonan na Corsou, tambe ora ta exporta.

Nos lo duna piscadonan financiamento cumbiniendo di Gobierno, sostene pa maneho operacional responsabel, pa nan adkiri miho ekipo di trabou pa aumenta productividad, conforme SMN su proyecto integral di ley, ariba menciona.