WILLEMSTAD – Un ambtenaar cu tabata 17 aña na casa cuminsa traha bek na comienso di e aña aki. E persona aki lo tabata tin un disputa cu gobierno di Corsou y despues di hopi aña porfin a yega na un solucion pa e por regresa trabou.
Periodista Yves Cooper a raporta esaki riba su pagina di Facebook, splicando e situacion. Sr. cooper ta splica cu pa hopi tempo caba diferente minister a cuminsa cu un limpiesa di dossier di ambtenaarnan cu ta na cas ta cobra pero no ta trahando. E ta remarca cu di 187 caso cu tabata tin, awo a sobra 37 caso mas cu mester keda soluciona.
Finalmente e ta bisa cu actualmente tin un bon cooperacion entre e departamentonan di gobierno, Ministerio Publico, Lands Recherche y BPD, pa loke ta e registracion di ambtenaarnan cu ta hayanan mes den problema y ta bira nonactief.
Por lesa Sr. Cooper su post door di klik AKI.
