(CuracaoChronicle)— Tabata un anochi largo pa e publico di Festival di Tumba. Despues di un anochi yena cu musica y varios actuacion, a corona Raey Lauffer como Rey di Tumba.
Tabata despues di 4or di mainta caba ora esaki a sosode. Lauffer a canta e cantica “Caminda tin huma tin candela”. E cantica aki lo wordo toca riba radio y television hopi durante e temporada di Carnaval e proximo simannan.
Bishitantenan tabata hopi critico di e festival e aña aki. Por ehempel, un evento siman pasa a cuminsa 1 ora despues cu a planea prome pasobra algo a bay robes cu e sistema di zonido. Diabierna tabata e ultimo anochi di e festival. Pa ora a yega marduga, solamente mita di e finalistanan a presenta, cual a nifica cu e festival no por a caba te cu 5or di diasabra mainta.
