Na 83 porciento di compania local na Corsou, e lockdown tabatin un impacto negativo riba e turnover. E consecuencia di esaki, segun Central Bureau Statistiek (CBS) ta cu e actividad y turnover di compania chikito, mediano y grandi a disminui rapidamente.
Na juli e aña aki, CBS a conduci investigacion riba e impacto di e lockdown obligatorio, evaluando e impacto financiero riba negoshinan local a traves di un encuesta di ciclo di negoshi.
Doñonan di empresa a indica cu nan confiansa den economia a reduci rapidamente den ultimo periodo, y cu confiansa den futuro tambe a deteriora. Compara cu december 2019, confiansa den futuro hasta a reduci di 51 porciento na 35 porciento.
E tendencia di reduccion aki ta continua den e clima di inversion. Unda 67 porciento di doñonan di negoshi ainda tabata confiansa den clima di inversion aña pasa, awo e encuesta ta indica cu esaki a keda reduci na mita, apenas 34 porciento.
