E virus nobo di China a extende na mundo, tambe un aumento den sentimento ‘anti-China’, yamado pa un prohibicion total di biahe pa turista Chines, y indignidad pa Chines y otro Asiatico. Luganan den Sur Korea, Hapon, Hong Kong y Vietnam a nenga pa acepta cliente Chines.
Chines y otro Asiatico na Europa, Merca, Asia y Pacifico a keha di racismo. E virus a mata 300 persona y miles di persona ta malo. Hopi pais a manda nan avion na ciudad di Wuhan pa evacua nan ciudadano.
Rednan social na Sur Korea ta inunda cu comentario pidiendo gobierno pa blokea of expulsa Chines, y comentarionan racista riba habitonan di come di hende Chines y nan higiena.
Un restaurant popular na Seoul cu ta frecuentemente bishita pa turista Chines a publica un borchi ‘no tin entrada pa Chines’. Mas di 650.000 Sur Koreano a firma un peticion presenta na Cas Blauw presidencial cu ta pidi prohibicion temporario pa bishitante Chines.
Na Merca, despues cu noticia a sali cu un alumno di Arizona State University tin e virus, Ari Deng, kende ta Chines Mericano, a bisa cu el a sinta na un mesa den campus cerca di otro cinco studiante. Deng, e unico Asiatico, a bisa cu e otronan a bira tenso, y a bay mesora.
Na Hong Kong e virus a profundisa e sentimento anti-Chino, unda pa lunanan tabatin varios protesta conta influencia di Beijing. Siman pasa, president ehecutivo, Carrie Lam a suspende servicio di ferry y trein den e continente y a reduci biahe entre Hong Kong y ciudadnan di China.
Un profesor Frances a cuminsa un combersacion riba Twitter cu tema ‘ami no ta un virus’, cu a genera cantidad di relato di discriminacion na Europa, muchanan cu ta wordo tenta na scol y den metro cu hende ta hala leu pa persona cu ta parce Asiatico.
Na Hapon, hopi ciudadano a recuri na rednan social pa pidi prohibicion di biahe pa bishitante Chines pa preocupacion di e virus. Na Sur di Asia, fin di siman, centenares di residente a bay na hotel Novotel pa protesta, unda tabatin 170 turista Chines, pa protesta nan entrada na Indonesia.
Mas di 400.000 persona di Malaysia a firma un peticion pa pidi prohibicion di biahero Chines, pa gobierno ‘salba nan famia y yiunan’. Un hotel na Vietnam a nenga di acepta turista Chines. Na oficina di president Filipino’ a bisa cu no mester tin comportacion discriminatorio, ni actua asina. “E realidad ta cu nos tur por ta haya e virus”, a bisa den comunicado.
