(FoxNews) – Un estudio di varios pais ta sugeri cu muhe na estado cu haya Covid-19 tin mayor riesgo pa morto, estadia den Unidad di Cuido Intensivo (ICU), duna luz prematuro, y otro complicacionnan.
Embaraso ta causa varios cambio den curpa cu por haci muhenan vulnerabel pa daño di e coronavirus. Muhenan na estado por gana algun proteccion door di tuma e vacuna; evidencia recien ta sugeri cu e vacuna di Moderna y Pfizer ta safe pa usa durante embaraso.
E resuladonan a keda publica diahuebs den e Journal of the American Medical Association Pediatrics, cu ta echo estudionan mas chikito. E investigacion a involucra muhenan na 18 pais, incluyendo Merca, Sur America y America Central, Europa, Asia y Africa. E estudio a involucra alrededor di 700 muhe na estado cu Covid-19, y 1,400 sin e virus. E tabata patrocina pa un fondo di investigacion di universidad di Oxford, unda e autornan lider di e estudio ta traha.
Diaranson, e resultadonan preliminar di un reporte di 35mil muhe Mericano kende a ricibi sea e vacuna di Modera of esun di Pfizer durante embaraso a mustra cu nan tasa di aborto spontaneo, nacemento prematuro y otro complicacionnan tabata comparabel na esnan observa den reportenan publica tocante muhenan cu tabata na estado prome cu e pandemia.
