Prijsnan di huur a baha den e ciudadnan Hulandes mas grandi parcialmente pa via di e crisis causa pa pandemia di covid19 pa via cu durante e pandemia e cantidad di migrantenan di conocemento halto (kennismigranten) a baha. Esaki specialistanan di e mercado ta remarca.
Rond di Hulanda prijs di huur a subi cu 2.4% anualmente den e di dos cuartal di 2020, pero e averahe a baha cu 1.4% na Amsterdam, 0.5% na Den Haag y 1.9% na Eindhoven. No tur ciudad a experiencia un baho den prijs di huur, mirando cu Rotterdam su prijsnan di huur a hisa cu 0.2% y esunnan di Utrecht a hisa cu 5.6%. Segun analista di e mercado Pararius, esaki ta entre otro pa via di e ausencia di Hulandesnan den posicion halto cu ta biba den exterior cu ta bolbe pa trabou temporalmente.
“E huur primordialmente den e segmento mas halto”, director di Pararius Jasper de Groot a bisa, “si e expatriadonan keda afo, e propiedadnan ta bashi. Propiedadnan destina pa migrantenan cu conocemento halto (kennismigranten) e ora ey ta wordo poni riba prijs mas abou cu normal, cual ta preferibel na laga nan bashi.”
Thijs Ijpeij, di e agencia inmobiliario HousingNet a bisa cu rond di 80% di nan propiedadnan tabata huur cu kennismigrant primordialmente. Den ausencia di kennismigrant, e propiedadnan cu normalmente ta bay pa nan ta bayendo pa un prijs 25% mas abou.
“Nos tin un propiedad tipico pa kennismigrant di 120 meter cuadra den Amsterdam-Buitenveldert. Antes e doño lo tabata pidiendo €2400 pe; awo e ta na €1850.”, Ijpeij a bisa.
E ranknan di propiednan tambe a wordo satura cu e caida di e mercado di Airbnb durante e lockdown pa coronavirus. E organo di inmobiliario nacional NVM recientemente a saca afo cu a pone 29% mas propiedad riba e mercado den e 8 simannan entre maart y mei compara cu e mesun periodo aña pasa.
