WILLEMSTAD – E organisacion di biahe ta na altura di e ref sushi den e area di Willemstad cu nan ke desaroya pa turismo.

“Nos no ta responsabel pa e sanacion di e area”, Caroline Härtal, general manager di e resort nobo,  ta enfatisa. Härtel ta referi na ministerio di Trafico, Transport y Planificacion Espacial (TTPE).

Segun Härtel a traha grupo di trabou, encarga cu e desaroyo y sanacion di e area. TTPE ta confirma cu nan lo tuma e encargo di e sanacion y limpiamento di e area.

Resòrt cu centenares di camber
 Diabierna a claba e prome palo den e resòrt all inclusive di Corendon na Otrobanda. Prome cu fin di e aña aki na e tereno di anteriormente Holiday Beach Hotel na Ref lo construi edificionan cu 350 camber. E meta ta pa na fin di 2020 entrega 450 camber mas.

Un parti di e mangel, pega na e luga di parkeer di e restaurant di antes, Denny’s, gobierno a entrega na Corendon. Aki ta bini e resort all-inclusive luhoso y banda di dje e parke di recreacion. Asina e minister Curasoleño di Trafico, Transport y Planificacion Espacial durante un encuentro informativo pa habitante di Otrobanda ta bisa.

Area pa cana keiro ta hole stinki
“Ta bini un luga pa cana keiro for di megapier den direccion di Otrobanda”, segun e minister. Pero pa cana na Ref actualmente no ta un opcion agradabel. E awa na Pater Euwensweg ta hole stinki pa motibo di bashamento di awa sushi, entre otro di e hospital pega ey.

Segun Servicio di Obra Publico e cas di pomp pega ey ta kibra y asina no por hiba e awa sushi pa e instalacion di purifica awa na Klein Hofje. Servicio di Obra Publico a laga investiga e tera abou cerca e mangelnan den area di Ref, como preparacion pa construccion. E resultadonan di e investigacion no ta conoci. Esaki ta segun e fuente Retkaribense.

Awa y ref ta den conexion cu lama habri, pero tin tiki coriente. Sigur dies aña pasa a draga e awa dje den, pero for di e tempo ey el a yena cu lodo atrobe.

Miyones pa limpia
Pa draga tin un plan tecnico cla, Caroline Manuel, e coordinado di e proyecto na nomber di e ministerio di TTPE, ta bisa. E gastonan total pa henter e proyecto Ref cu ta consisti di sanacion re- ekipamento, un pomp nobo, un caminda pa yega ey nobo y un centro di piscado, ta balota na 20 pa 25 miyon florin.

Tambe tin un proposicion pa fundacion Caribbean Research & Management of Biodiversity (Carmabi) pa maneha e parke di naturalesa y recreacion. Esaki ta un proposicion for di TTPE. Mester traha un plan di maneho ainda. Esey no ke men cu a firma e acuerdo caba.

Investigacion
Ret Karibense a laga Landslaboratorium test e awa di e mangelnan . Na cinco luga un biologo a tuma muestra di awa pa analisa. Pa controla e resultadonan algun siman despues di e prome investigacion a tuma tres muestra di awa atrobe na e mes luganan cu e prome biaha.

Di tur sitio cu a tuma muestra di awa, e awa pega cu e monumento di Tula ta menos sushi: 790 Kve pa 100 milliliter di awa. Pero toch cuater biaha mas halto cu loke ta considera internacionalmente aceptabel pa awa di superficie.

E awa di Ref cu ta keda pega cu Pater Euwensweg ta contene mas cu 1 miyon kolibakterio fekal pa 100 ml di awa. E laborantnan no a logra determina e cantidadnan exacto: ta masha hopi. “Mucho hopi”, un laborant di Landslaboratorium ta bisa.