Desde ayera 5 di july 2017 for di 4or di atardi, a cera e registro oficial di personanan cu tin derecho di vota pa e Eleccion Parlamentario 2017. Esaki nifica cu tur persona inscribi na Aruba riba e dicho fecha y cu tin e nacionalidad Hulandes, tin e derecho di vota pa e eleccion. Un total di 70751 persona tin e derecho aki y esaki ta 1993 extra cu e derecho aki compara cu eleccion di 2013 na unda 68758 persona por a participa.
Den cuadro cu avansenan di eleccion, Censo di Aruba ta duna e oportunidad di verifica si bo tambe tin e derecho di vota pa e eleccion. Via nan website, bo por hinca bo ID nummer y asina haya sa e status di bo derecho y tambe na cua stemburo bo lo mester acudi dia di votacion. E link pa yega na esaki ta: http://censo.aw/stemcheck/
