ORANJESTAD – Ayera, varios departamento di gobierno entre otro, polis, DIP, DNM, DOW y BCI, a sali pa inspecciona varios sitio rond di Aruba cu ta coba buraco pa saca santo.
Esaki ta pa tin un bista amplio riba esunnan cu ta trahando legal of ilegal. Despues di e inspeccion, lo sinta na mesa pa asina cuminsa e proceso pa restaura ordo bek na Aruba pa locual ta esunnan cu ta operando ilegal.
Prome sitio unda tabatin cobamento cu e team a bishita ta Jucuri (tabata cera) di dos Leblome y despues Atco. Despues: Santa cruz, Biebie y actualmente ta Fatamorgana, y tambe a pasa Bringamosa.
