 (3).jpg "13boto (NW) (3).jpg")
Den un esfuerso pa garantisa siguridad riba lama y pa preveni cu ta importa articulonan ilegal na nos isla, e departamento di Polisnan Maritimo a tene un control riguroso diadomingo ultimo riba lama. Nan a tene control specificamente riba botonan cu “a bay zuid” y bin bek.
Anualmente na luna di september ta tuma luga un actividad na Venezuela masha bon bishita pa botonan di Aruba, esta e “Virgen del Valle”. Diabierna ultimo dia 9 di september un total di 12 boto a bay atende e actividad na Venezuela. Mayoria a regresa diadomingo, pero Polis a warda nan pa garantisa cu nan no a purba importa nada ilegal.
E botonan cu Polis a para y a guia pa waf di Barcadera pa realisa un control, tabata A-6 Renegade, A-1192 Occeana, A-225 Envy, A-868 No Excuse, A-780 Gigetto, A-1975 La Verraca, A-1511 Renegade, A-312 Just do It, A-90 Chill out, A-2066 Ola Bebe y A-1606 Orian.
Durante e control Polisnan Maritimo a haya sosten Warda Costa di Caribe Hulandes y tambe di Cuerpo di Aduana. Asina aki den un forma mas lihe, eficiente y riguroso posibel a tene e control.
 (3).jpg&description=Control+riba+botonan+cu+a+bay+evento+Venezuela){kind=link}