(CuraçaoChronicle) – Residentenan di cierto bario den nort di Corsou, desafortunadamente ta bay continua experimentando contaminacion di huma den proximo dianan, segun website di gobierno.
E huma ta origina di un candela bao tera na Dam Pretu, unda a dump desperdicio ilegal pa añas y despues a tapa esaki cu tera.
Departamento di Brandweer y otro organisacion gubernamental manera Obra Publico, ministerio di Salud y Medio Ambiente, y Servicio Meterologico ta monitoriando e situacion. A coba un canal pa preveni cu e candela ta plama na palmanan cercano.
Maske e contaminacion di huma a reduci un poco, e ta keda significante. Segun Servicio Meteorologico, e atmosfera no ta permiti pa e huma eleva halto. Esaki ta nifica cu e huma ta keda abao, cu por conduci na incomodidad paden di cas.
Ora biento aumenta y atmosfera permiti, e huma por mix cu aire, reduciendo e contaminacion. Ya cu ta un area unda a dump desperdicio ilegal, substancianan toxico por ta presente den e huma.
Departamento di Brandweer, hunto cu Obra Publico (OW), ta discutiendo posible solucionnan pa reduci e huma mas rapida- y efectivamente. Basha awa riba e candela “estilo forno” no ta un solucion. Awa no ta reduci huma y ta presenta un peliger pa bombero, pasobra nan no por mira kico tin bao tera. E suelo por collapse.
GMN ta conseha residentenan den e barionan afecta, manera Kent u zelf, Montaña, Santa Rosa y otro areanan experimentando contaminacion di huma, pa tuma precaucion. Ta conseha pa tene bentana cera lo mas posible, y ta conseha hende cu problema di pulmon pa realoca temporalmente te cu e situacion mehora.
