DOW mediante un comunicado publica riba su rednan social a informa comunidad cu containernan di klapchi ta na Wela y cu temporada pa control den e puntonan di benta ta yegando pa asina bendedornan por tin nan permiso regla.
Den e siman di 20 di december 2023, lo cuminsa habri e containernan pa asina nan por ser controla door di Departamento di Aduana Aruba.
Dia 27 di december 2023 den oranan di marduga nan lo ser transporta pa e puntonan di benta.
Dia 27 december 2023 for di oranan di mainta por cuminsa bende te 9’or di anochi te cu dia 31 december 2023.
Pa tira klapchi e fechanan ta for di 27 december 2023 te cu 10’or anochi te cu 1 di januari 2024 pa 1’or di merdia.
Despues di e fecha akinan e permiso no ta valido mas cu esnan cu haci uso di tiramento di klapchi y por tin consecuencianan pa esaki.
Locual ta shownan di vuurwerk lo tin solamente na cambio di aña den area di hotel.
Controlnan riba puntonan di benta lo cuminsa for di 27 december 2023 te cu ultimo dia di benta pa tur e departamentonan di gobierno envolvi cu esaki.
