AMSTERDAM – Un muhe na estado cu consumi sperma oralmente tin menos probabilidad di pasa den un aborto imboluntario (miskraam) ya cu e den e simiya masculino tin sustancianan cu por preveni esaki.
Aunke e resultadonan riba su mes por ta zona algo chistoso, e estudio haci ta uno serio. E medio De Telegraaf a raporta e echo cu un publicacion haci pa cientificonan Hulandes den e ‘Journal of Reproductive Immunology’ ta conclui esaki.
E medio ta raporta cu Tess Meuleman di e hospital Haga na Den Haag tabata e prome autor di e estudio aki. E ta splica cu ‘e ta conoci cu den awa masculino tin antigeno y e membrano mucoso tanto den e boca como den e stoma ta absorba esaki mas miho cu esun di e vagina. Esaki ta duna miho resultado na e sistema di immune’.
E ekipo di LUMC cu a haci e estudio ta bisa cu e saki no ta un “producto cu ta haci milager”. Hende muhenan no mester pensa cu un aborto imboluntario ta bin paso cu nan no a consumi poco sperma oralmente.
Un otro estudio cu a ser haci ta mustra tambe cu consumi sperma oralmente durante embaraso ta baha e risico di haya venenamento di embaraso.
