(DutchNews) – Autoridadnan local ta permiti di duna prioridad na proyectonan di casnan nobo na personanan cu ya caba ta biba den e area, De Volkskrant a reporta riba diabierna.
Minister di asuntonan interno Kajsa Ollongren tin plan di cambia e legislacion actual di vivienda pa consul por duna residentenan prioridad, y asina yuda sigura cu personanan cu ta cuminsando den e caminda pa busca cas no ricibi un desbentaha, e corant a publica.
E alocacion di prioridad lo aplica na 30% di e propiedadnan nobo cu ta costa te cu 355,000 euro.
Actualmente, consulnan local ta prohibi di duna prioridad na nan mesun residente pa vivienda, apart di e islanan den Wadden Zee.
Varios otro autoridadnan local, incluyendo Bergen den Noord-Holland y Utrechtse Heuvelrug, a conta De Volkskrant cu nan lo haci uso di e podernan nobo, pa motibo cu nan ta sinti cu residentenan nobo di otro ciudadnan ta cumprando tur e casnan disponibel den nan area.
Ollongren ya caba a haci posibel pa e consulnan tin e posibilidad di stop inversornan di cumpra propiedad y rent esaki. Amsterdam y Den Haag ta entre e ciudadnan cu ya caba a bisa cu nan lo tuma accion pa sigura cu hende por solamente cumpra e casnan di menos costo si nan mes lo biba den nan.
E proposicion pa duna prioridad na localnan aworaki a ser poni den consulta.
