For di fin di siman consul Venezolano Carlos Mata Figueroa ta na Aruba. E presencia di ex militar y ex minister di Defensa Venezolano a wordo produci despues cu prome minister di Aruba a reuni cu varios mandatario na Hulanda siman pasa.
Tambe el a reuni cu minister di Relacion Exterior, Stef Blok riba situacion cu Venezuela. Manera a wordo informa dia diahuebs awor lo habri e frontera maritimo entre Aruba y Venezuela cu lo facilita importacion di fruta y berdura for di e pais bisiña ey. E bishita di e consul nobo di Venezuela a trece algun reaccion cu ne. Pero informacion cu Bon Dia Aruba ta indica cu no tin ningun caso habri na Merca contra Mata Figueroa riba traficacion di droga. E diplomatico tin un tarea pisa pa restablece e confiansa di e relacion bilateral aki.
