Awe ta wordo conmemora e di 207 aniversario di independencia di Republica Bolivariano di Venezuela. Tabatin un acto protocolario di ponemento di ofrenda floral dilanti estatua di Simon Bolivar riba e plaza cu ta carga su nomber.
El a conta cu presencia di prome minister, Evelyn Wever-Croes, presidente di Parlamento, Eddy Thijzen, cuerpo consular di Venezuela, y demas invitadonan. Esaki tabata e prome presentacion publico di e consul Venezolano nobo, Carlos Mata Figueroa kende a duna un discurso riba Libertador, Simon Bolivar su historia y aporte pa historia di Venezuela y Latino America.
