Polis di Bolivia a aresta e consul honorario di Honduras, Iris Grisel Berlioz, despues di ricibi denuncianan di estafa di construccion di casnan social, un hefe di polis a informa diaranson pasa.
“E prome denuncianan cu a ser ricibi ta di estafa, bou e modo di opera di entrega di casnan di interes social, e hefe di e Forsa Special di Lucha Contra Crimen di polis, Gonzalo Medina a bisa den un conferencia di prensa.
Berlioz, ken tambe tabata cumpli funcion como director di turismo di Alcaldia di Santa Cruz, a ser aresta dialuna pasa, Medina a informa, y a expresa cu te ainda ta investiga e cifra total di e estafa, mientras medionan local ta informa cu e cifra ta di 700.000 dollar.
Segun e hefe di polis, e consul honorario a bisa den su prome declaracion cu hunto “cu un ciudadano Spaño nan lo a crea vivienda” y cu e placa cu e personanan interesa a deposita pa participa, tabata riba un cuenta bancario. El a bisa cu e ta inocente.
