ORANJESTAD – Na area di beach Fishermans Hut un compania a lanta un construccion cu ta parce un restaurant, Bon Dia Aruba a acerca te na e luga y a puntra dos trahado di un compania di Kite Surf, cu no a bisa nan nomber. Nan a declara cu esey ta un construccion pa otro luga di Kite Surf.
E dos trahado a comenta na Bon Dia Aruba cu, supuestamente, e luga tin su permiso pa construccion dilanti di lama. E luga ta construi cu palo.
Bon Dia Aruba lo investiga si e caso aki ta trata ciertamente di otro luga di Kite Surf pa motibo cu esaki ta un construccion dilanti di lama cu lo causa cu otro companianan lo por haci mesun cos y caba cu e beachnan di Aruba, cu ta trece e principal aporte di turismo. E pregunta ta: Na cua luga e turista lo disfruta, si no tin un luga pa sinta relaha y disfruta di nos dushi isla?
