Departamento di Obra Publico ta informa pueblo di Aruba en general y specialmente nos automobilistanan, cu ta haci uzo di e caminda di Hooiberg, cu diahuebs dia 29 di augustus 2019 y diabierna 30 di augustus 2019 lo cera e caminda di Hooiberg pa construi 2 verkeersplateau dilanti Hooiberg 8B y dilanti Hooiberg 46C.
Rutanan alternativa lo keda indica cu baricadanan y borchinan di aviso y e orario di trabou lo ta di 8’or di mainta y ta programa pa caba 4’or di atardi.
En conexion cu e trabou menciona Departamento di Obra Publico ta pidi pa tene cuenta cu e inconveniencia cu lo por surgi, pa cual nos ta pidi nos disculpa.
