Den dianan aki, comunidad por constata e cantidad di caminda cu ta cera pa motibo di construccion di e rotondenan nobo. Ta asina cu, manera e potretnan aki ta mustra, e construccion di e rotonde dilanti di Alhambra ta trece confusion cerca tur chauffeur cu ta core riba e caminda aki.
Riba e caminda di Divi Hotel te na e construccion di rotonde ta habri, no tin un borchi cu ta avisa e conductornan cu no mag di pasa den e caminda ey, asina e autonan ta sigui, y ora nan ta ripara cu e caminda ta cera, nan mester bolbe bek pa tuma otro caminda.
Bon Dia Aruba a mira con e autonan tabata sigui stret y na final nan no tabata sa kico nan mester haci, pa motibo cu e otro banda ta habri solamente pa e autonan cu ta bin for di banda di Alhambra te Divi.
Departamentonan concerni mester ta un tiki mas cauteloso ora nan haci e tipo di construccion aki, pa via cu Aruba tin hopi accidente, y e trabounan aki mester tin borchi of algun tipo di aviso pa e chauffeurnan cu ta gara e caminda ey, sin sa cu e ta cera.
