Gobierno di Merca kier cuminsa e construccion di e muraya na lugarnan na frontera conoci como El Paso na Texas, Tucson na Arizona y El Centro na California. Nan kier paga e muraya cu placa cu lo ser aproba pa congreso, Departamento di Seguridad Nacional a informa.
Na e puntonan ey tin frontera cu ciudadnan Mexicano, cualnan ta Ciudad Juarez (Chihuahua), Nogales (Sonora) y Mexicali (Baha California). “Nos tin identifica e posicion alrededor di El Paso na Texas, Tucson (Arizona) y El Centro (California) pa construi e muraya, den area unda e sistema actual di hekki of di roy no ta funciona mas”, departamento di seguridad nacional a bisa den un comunicado tocante migracion.
Na aña fiscal 2016, patruya di frontera a detene 408.870 persona cu no Sabatini documento na frontera sur, 64.891 di nan den area di Tucson (e di dos lugar cu mayor actividad, e prome lugar ta Rio Bravo), 25.634 na El Paso y 19.448 na El Centro. Departamento di seguridad nacional a solicita tambe cu polis di frontera por identifica area importante pa construi e muraya ey, specialmente na lugar cu no tin ningun frontera marca entre Merca y Mexico.”
E documento a duna di conoce e fuente di placa pa e obra aki, pasobra a ordena un preparacion di peticion di presupuesto na congreso pa e aña fiscal aki y pa e aña cu ta sigui tambe. Nan a ordena”identifica y duna tur recurso disponibel pa planea, diseña, construi y mantene e muraya, te detaye manera e luz pa muraya y tecnologia manera sensor, hunto cu patruya y via di acceso”.
