Aruba lo inicia aña 2020 cu hotelnan nobo. Par di luna pasa a cuminsa e construccion di un di nan na Sero Colorado y na e momentonan aki e area di hotelnan tambe tin varios cu lo mester ta cla pa e aña venidero.
Manera por aprecia riba e potretnan, ainda ta falta pa haya mas camber, manera Gobierno a anuncia cu lo tin, y pa e añanan aki duna bonbini pa mas turistanan y sigui ofrece e calidad halto di servicio turistico na Aruba.
Den e panorama positivo aki, tambe por refleha infrastructura disponibel, ademas di mas inversionistanan importante cu ta yega na isla pa amplia su servicio.
Minister di Turismo Dangui Oduber a duna di conoce cu Aruba ta cera aña 2019 cu otro cifra record di loke ta trata turismo crucero, mas di 815.000 turista a drenta na Aruba, asina como tambe a proyecta 1 miyon di asiento for di Merca cu pa dos aña sigui a surpasa e cifra di turistanan di Aeropuerto di Aruba.
