Conseho pa traha for di cas ta caba pronto; Sinembargo mayoria oficina no lo pidi empleado bolbe oficina

(NLTimes) – Gabinete Hulandes probablemente lo deshaci di e conseho pa traha for di cas den un conferencia di prensa, pero dunadonan di trabao no tin plan pa pidi empleadonan bolbe oficina pa tempo completo.

Hopi doño di trabao lo haci e transicion na bolbe oficina den parti, y despues lo haci esaki pa solamente mita di e siman, Nu.nl a reporta despues di a papia cu companianan grandi y Gobierno central.

Ahold, ING y Achmea a bisa cu nan empleadonan por traha na cas mita di e tempo, y na oficina e otro mita. Ahold a bisa cu e oficina lo ta pa trabao den colaboracion, y na cas pa trabao cu mester di concentracion y pa reunionnan.

KPN, cu 8,000 empleado ken por traha na cas, a bisa cu nan empleadonan lo ser permiti traha for di cas 60 porciento di e tempo. E compania actualmente ta “buscando un balans.”

E Gobierno central cu 75,000 empleado lo ta permiti traha for di cas, y empleadonan lo mester bini oficina back ocasionalmente.

NS, cu 5,000 empleado trahando for di cas, aparentemente lo laga e empleado mes dicidi si nan kier traha for di cas of na oficina. Empleadonan ya caba ta permiti pa bini back oficina si nan salud mental ta pidi pa nan haci esaki, NS a declara. “Si empleadonan lo traha for di cas of no, ta depende na nan y nan preferencia,” e compania a conta.

“Den un sentido general, empleadonan no ta emociona pa bolbe oficina,” Mark van Vugt, profesor di psicologia na Vrije Universiteit Amsterdam, ken ta conduciendo un estudio tocante traha na cas, a bisa na NU.nl. “Mayoria solamente kier bay back oficina solamente si tin un motibo pa haci esaki, y ta keda na e dunado di trabao pa duna e motibo aki.”

El bisa cu e ta un situacion ideal pa laga e empleadonan dicidi si nan kier traha na oficina of no. “Pero durante e tempo aki di escasez di empleado, e dunado di trabao no tin e control mas. Empleadonan por haci mas demanda, incluyendo cu nan ta prefera traha for di cas.”

Van Vugt a enfatisa cu un politica di trabao cu ta inclui ambos traha for di cas y traha na oficina mester ta sin cualkier tipo di discriminacion ni preferencia, “por ehempel pa medio di duna promocion na e empleadonan cu ta traha na oficina prome cu e empleadonan cu ta traha na cas.”