AMSTERDAM – Docena di autoridadnan local na Hulanda ta bisa cu nan mester haci corta den gastonan pa paga tur debernan cu awo mester ser realisa.
Volkskrant a bisa cu bibliotecanan ta ser cera, presupuestonan pa mantenemento di cartera y di edificionan ta ser corta y cu menos placa lo ser destina pa Arte y cultura. Ademas, lo tin un aumento den impuesto local pa asina compensa e deficit.
En particular e servicio di atencion hubenil ta demostrando di ta mas caro di locual a pensa den dos tercer di e areanan di e conseho local cu a participa den e encuesta di Volkskrant.
Autoridad local a ser haci responsabel pa e servicionan di atencion hubenil na 2015 y desde e tempo ey e cifra di muchanan den contact cu e servicio social hubenil a aumenta na 12% na mas cu 400 mil, e agencia di estadistica nacional CBS a bisa siman pasa.
E gobierno a wak e medida manera un ehercicio di reduccion di costo, en particular pa motibo cu e funcionarionan ta spera cu e problemanan potencialnan lo a ser detecta antes y esey a rekeri menos uzo di costonan caro di specialista.
Locual realmente a pasa Volkskrant a bisa, ta cu e expertonan riba e tereno a identifica mas hobennan kende mester di ayudo cu previamente a ser identifica.
Hunto e conseho ta spera pa supera e presupuesto na 600 miyon euro, e corant a bisa. E minister di salud Huga de Jonge, a admiti cu tin problemanan y lo haci par di fondo extra disponibel.
