AMSTERDAM – E hunta di directiva Hulandes di turismo a stop di promove Hulanda como un destinacion di vacacion pa motibonan principal di atraccionnan, e canalnan, tulpnan y molinanan di biento, ta birando mucho satura di hende, esaki ta locual Telegraaf a bisa dialuna.
Den futuro NBTC lo enfoca pa parti e bishitantenan pa otro partinan di e pais ‘poniendo enfoke riba areanan desconoci’ y limitando e problemanan causa den periodonan mas atractivo. E cambio di e posicion ta parti di strategia di e organisacion pa e periodo te cu 2030. ‘ Pa controla e fluho di bishitantenan y probecha di e oportunidadnan cu turismo ta trece cu ne, nos mester actua awo’. Na luga di promocion di e destinacionnan , awo ta e momento pa e management di destinacion, NBTC a raporta.
‘ Hopi otro regionnan tambe mester beneficia di e crecemento di turismo y nos ta stimula ofertanan nobo. NBCT lo converti ma den un centro di datonan y experiencia”, e vocero di Telegraaf a bisa.
E organisacion ta spera cu alo menos 29 miyon di turista lo bishita Hulanda pa 2030, compara cu e 19 miyon na 2018. Aña pasa a desaroya HollandCity pa purba di parti e turismo pafo di e puntonan principal di Amsterdam, manera e villagenan di piscamento, e camponan di bulb.
E strategia di HollandCity ta consisti pa promove Hulanda como un solo metropolis cu hopi districto , manera Lake District Friesland y Design District Eindhoven.
E caos di trafico di Semana Santa, e bulbnan di Keukenholf y e districto di molina di biento di Kinderdijk ta imposibel di yega pa un tempo pa motibo cu hopi hende a acudi na e sitio pa bishita nan. E congestion ta obliga e director di Keukenholf pa describi e situacion como ‘completamente inaceptabel pa local.
Amsterdam tambe ta estado lidiando cu e exceso di turismo y ta intentando pa parti e bishitantenan den ciudad.
