![Israel Palestinians](https://www.bondia.com/wp-content/uploads/2024/06/Conseho-di-seguridad-di-Nacionnan-Uni-lo-vota-riba-un-resolucion-di-alto-al-fuego-cu-e-meta-di-caba-cu-e-guera-entre-Israel-y-Hamas_result-696x464.jpg)
(AP) – Conseho di Seguridad di Nacionnan Uni a schedule un voto riba dialuna atardi riba un resolucion Mericano cu ta pidi un alto al fuego anuncia pa President Joe Biden cu segun e president, Israel a acepta caba. E ta haci yamado na Hamas, cual inicialmente a bisa cu nan ta mira e proposicion di manera positivo, pa acepta e plan di 3 fase.
E resolucion ta urgi Israel y Hamas “completamente implementa su terminonan sin atraso y sin condicion.”
Si adopta, e lo ta e prome resolucion di Conseho di Seguridad cu plan di alto al fuego cu lo caba e guera di 8 luna caba entre Israel y Hamas na Gaza. Embahador diputado di Merca Robert Wood a bisa reporteronan dialuna cu Merca tabata kier segura cu tur 15 miembro di e Conseho di Seguridad tabata sostene loke e ta describi e “oportunidad mas realistico y miho pa trece un stop por lo menos temporario na e guera aki.”
E conseho su schedule di pone e voto dialuna atardi a indica cu e resolucion ta probabel di ser adopta unanimemente, sinembargo diplomaticonan di e conseho papiando di manera anonimo poco prome cu e voto a bisa cu te ainda nan ta incierto kico Rusia y China lo haci.
Si Israel y Hamas ta acepta e plan di alto al fuego di 3 fase te ainda ta den duda.
Prome Minister Israeli Benjamin Netanyahu a bisa cu Biden a presenta partinan solamente di e proposicion y a insisti cu cualkier dialogo di un alto al fuego permanente prome cu desmantela Hamas su ehercito y capacidadnan di gobernacion no lo tin exito.
E lidernan di Hamas y Palestinonan Islamico Jihadista a topa na Qatar dialuna pa trata e alto al fuego cu a propone y a bisa den un declaracion despues cu cualkier trato mester yega na un alto al fuego permanente, retiro completo di Israel for di Gaza, un fin na e captura di Gaza, reconstruccion y un “trato di intercambio serio” entre rehennan na Gaza y prizoneronan Palestino deteni na Israel.
E conseho di seguridad a adopta un resolucion dia 25 di maart exigiendo un alto al fuego humanitario na Gaza durante e luna santo Musulman di Ramadan cual a caba dia 9 di april, cu Merca wantando su voto. Sinembargo no tabatin un paro na e guera.
Biden su anuncio di dia 31 di maart di un proposicion nobo pa alto al fuego a bisa cu nan lo cuminsa un 6 luna esencial cu e liberacion di rehennan a cambio di liberacion di prizoneronan, e retiro di forsanan di Israel for di areanan pobla na Gaza y e regreso di ciudadanonan di Palestina na tur area den e teritorio.
Fase uno ta rekeri e distirbucion safe di asistencia humanitario na “un escala di henter Gaza Strip,” cual Biden a bisa lo ta alrededor di 600 truck cu ayudo drentando Gaza tur dia.
Den fase dos, e resolucion ta bisa cu, cu e acuerdo aki entre Israel y Hamas “un fin permamente na hostilidadnan, a cambio di e liberacion di tur otro rehen ainda na Gaza y e retiro completo di forsanan Israeli for di Gaza” lo tuma luga.
Fase 3 lo lansa un “plan di reconstruccion di varios ana pa Gaza y e regreso di e restonan di cualkier rehen fayeci ainda na Gaza lo bolbe back nan famianan.”
E resolucion su version final lo delinea cu e proposicion ta bisa cu si e negociacionnan tuma mas cu 6 siman pa e prome fase, e “alto al fuego lo sigui mientras e negociacionnan ta continua.”