(NLTimes) – COVID di termino largo mester mas atencion.
Segun e Conseho di Salud, esaki pro sigura cu pashentnan cu kehonan di largo plaso despues di un infeccion di coronavirus lo tin mas ayudo y informacion tocante esaki. E conseho te ainda no sa te na ki nivel e vacunacion contra COVID-19 y e variante mas leve Omicron ta afecta e desaroyo di COVID a largo plaso, tambe yama ‘Long Covid.’
Segun e Conseho, tin mester di investigacion adicional cientifico den e malesa pa asina por identifica e causanan y e factornan di riesgo di Long Covid. Pa medio di monitor e cuido di Long Covid ta esencial, e Conseho di Salud a declara como conseho na Minister Ernst Kuipers di Salud Publico.
Hendenan cu Long Covid hopi biah ta sufri di fatiga, falta di rosea, dolor di cabes, falta di memoria, perdida di holo, palpitacion, dolor di musculo y kehonan di ansiedad. E kehonan hopi biaha por dura lunanan largo, aunke e ta posibel cu nan por relaha of completamente kita despues di algun tempo. E sintomanan mester dura por lo menos 3 luna pa e por ta un caso di Long Covid.
Hendenan di tur edad por haya e sindrome aki. Aunke e Conseho a enfatisa cu lo investigacion den e kehonan di muchanan por ta hopi compleho pa motibo cu hopi biaha nan no ta facil di cuestiona pa causa di nan edad.
E Conseho di Salud ta depende gran parti di investigacion cientifico den e prome casonan di Long Covid, tambe conoci come e sindrome Post-Covid. No tin suficiente informacion tocante e kehonan di termino largo di hendenan cu a haya COVID-19 mas recientemente. Tambe e ta dificil pa por mira si vacunacion ta yuda contra di e sindrome aki si un persona haya coronavirus apesar di ta vacuna.
E Conseho no sa con frecuente hendenan ta haya Long Covid. Tin varios investigacion tocante e sindrome den proceso.
