Den su reunion dia 26 di januari ultimo, Conseho di Minister a dicidi di cancela e plan y ehecucion tanto di Carnaval como e Heineken Regatta pa 2021, den interes di e salud general di e ciudadanonan di St. Maarten.
E decision aki ta yega despues di consulta cu varios stakeholdernan relevante, incluyendo profesionalnan di cuido di salud y cumplimento di ley riba e actividadnan reduci planea pa Carnaval 2021 y e Heineken Regatta, y considerando e impacto cu e eventonan por tin riba e poblacion. Fundacion di Desaroyo di Carnaval St. Maarten (SCDF) y organisadornan di e Heineken Regatta a wordo informa di e decision.
Mientras cu Conseho di Minister a permiti SCDF bay dilanti cu planeamento pa Carnaval 2021 manera indica den un carta dia 14 di januari, Conseho di Minister a duna permiso ‘cu e comprension cu si e situacion empeora pa cu Covid-19 y e servicionan di salud na St. Maarten ta den peliger, ainda por cancela Carnaval 2021’.
