(NLTimes) – Docentenan mester enfatisa lenguahe y matematica den tur otro materia na scol pa motibo cu solamente haci esaki durante lesnan tocante lenguahe y matematica no ta suficiente pa nan por siña. E dos materianan mester ta e responsabilidad comun di tur docente.
Conseho di Educacion a bisa esaki den e conseho nobo cu nan a presenta riba diahuebs. E habilidadnan di e muchanan den e dos materianan ta un fuente di preocupacion pa varios aña caba den educacion primario, secundario y vocacional.
Trata e materianan aki lo mas ampliamente posibel ta un situacion cu ta solamente trece beneficio, e Conseho ta premira. “Otro materianan ta ofrece contexto y oportunidad pa adkiri conocemento y habilidadnan den lenguahe y matematica. Y vice versa, un bon conocemento den lenguahe y matematica ta un condicion necesario pa e progreso den otro materianan y otro areanan pa siña,” Education Council a bisa.
Bon docentenan claramente ta indispensabel. Pa e motibo aki, na fin di cursonan unda ta train docente, e docentenan ta ricibi test pa midi nan mesun habilidadnan den lenguahe y matematica ademas di nan habilidad pa provee bon educacion den e areanan aki. E Conseho di Educacion ta recomenda un “test central obligatorio pa lenguahe y matematica pa scolnan cu ta train docente y den cursonan di segundo nivel den Hulandes y matematica. E test final mester contene un componente teoretico y practico.”
E Conseho tambe kier mas esfuerso continuo den e profesionalisacion di docentenan. Tambe, e comando di lenguahe y matematica “mester tin monitoreo sistematico pa por evalua structuralmente y mehora e educacion den e area aki. Ademas “metanan sumamente cla” pa lenguahe y matematica mester keda implementa.
Segun e Conseho, docentenan mester traha cu otro y cu expertonan pa por diseña bon educacion den e dos areanan aki. Tambe mester presta suficiente atencion na e calidad di e material y con esaki ta ser usa.
