E consehalnan di e ciudad di Amsterdam kier mantene un debate lihe cu e funcionarionan tras un aumento di violencia relaciona cu e gangnan den e ultimo simannan. E lidernan di e 12 partido representa riba e conseho a convoca e debate afirmando cu “ e armanan y e violencia no ta parti di nos ciudad”.
Tabata tin cinco incidente di tiramento na Amsterdam den e ultimo cuater dianan, tres di cual a tuma luga den e districto Zuidoost di e ciudad. Un persona a muri den e tiramento, un a resulta herida y varios cas particular a wordo alcansa pa balanan.
E emisora local AT5 cu ta monitoria e violencia arma na e ciudad, ta bisa cu tabata tin 50 incidente pa e aña aki. Siman pasa Huesnan di Amsterdam a yega na un acuerdo pa asina impone castigonan mas halto pa personanan cu ta ser declara culpabel di delitonan cu arma.
“Tabatin hopi hincamento y asesinato na e ciudad y e hendenan ta mas dispuesto pa uza handgranaat”, e Vocero Domien Huijbregts a bisa AD. Pa e motibo aki nos kier duna un señal hopi cla. Esaki ta completamente inaceptabel.
Aña pasa, e capital Hulandes a top e indice anual di municipionan cu e pio tasa di criminalidad. E number di incidentenan na e capital a conoce un caida general na 2018, pero tabata tin un aumento di hortamento di auto, hortamento riba caya y asalto, segun e di 18 edicion di e encuesta Misdaadmeter. Un total di 14 persona a ser asesina na Amsterdam.
