Aruba – Awe, 5 aña pasa riba 10-10-10, Antiyas a keda desmantela. Nos colaborado Ret Karibense a publica un serie di articulonan. Den un di e publicacionnan prome minister Eman ta papia riba e consecuencia pa Aruba, aunke formalmente nada mester a cambia pa nos isla. ‘Hulanda mesora despues di 10-10-10 a insisti cu Aruba lo mester cay bou di supervicion financiero permanentemente’, asina e ta indica.
Mesora despues di 10-10-10 politica na Den Haag lo a acerca Aruba pa mescos cu Corsou y Sint Maarten cay bou di supervision financiero permanente, Eman ta conta. E ta bisa cu semper e tabata contra di esaki, pa cuminsa pasobra e otro paisnan, contrario na Aruba, tabata haya sanacion di nan debenan si nan tuma supervision financiero. E argumento cu Hulanda semper lo mester yuda si Aruba hay’e den mal tempo financieramente sin supervision, tampoco ta algo cu Eman por acorda.
Lesa e articulo aki y tambe e otro publicacionnan riba e website di Ret Caribense.
Na 10-10-10 Sint Maarten y Corsou a bira pais autonomo den reino. For di e dia ey Boneiro, Sint Eustatius y Saba ta ‘municipio extraordinario’ di Hulanda. Aruba ya tin e status autonom for di 1986.
