Ayera a ricibi e tristo noticia cu Sr. Albert Edmundo ‘Mundo’ Albus, un persona conoci den sector turistico y tambe como miembro di Comision Celebracion Dianan Nacional (CCDN), a fayece.
Entre otro, Albus tabata involucra den organisacion di concierto y festival di 1988 pa 2006, manera Aruba Jazz and Latin Music Festival, Aruba Music Festival, Festival de las Americas, Sinbad Soul Music Festival, y e conocido Soul Beach Music Festival.
E tambe a participa den actividadnan di celebracion di Dianan Nacional.
Bon Dia Aruba ta manda palabra di condolencia na Sr. Albus su sernan keri, y cu Sr. Albus sosega na paz.
