(royal-house.nl) – Bao constitucion, e rey, hunto cu e ministernan ta conforma gobierno. E rey ta representa Reino di Hulanda na cas y den exterior. Ademas di su debernan formal, rey Willem-Alexander ta traha den interes di habitantenan di Hulanda.

Como hefe di estado, ta tarea di e rey pa unifica, representa y curasha pueblo.

E ministernan, y no e monarca, ta responsabel pa e actonan di gobierno, y e ministernan ta responsabel na Parlamento pa loke ta haci y bisa. E ministernan, kende hunto ta forma e gabinete, ta responsabel pa toma di decision.

E rey tin reunionnan semanal cu e prome minister, ta papia regularmente cu minister y secretarionan di estado, ta firma tur ley y decreto real (KB) y ta ratifica – como parti di gobierno – tratadonan internacional. Na e Apertura Estatal di Parlamento riba e di tres diamars di september, e ta duna su discurso for di Trono, den cual gobierno ta anuncia su plannan pa e siguiente aña parlamentario.

Constitucion ta rekeri pa e monarca nombra, retira y huramenta tur minister y secretarionan di estado. Den bista di e rol constitucional aki, y riba peticion di Parlamento, por mantene e rey informa di tur desaroyo den e proceso di formacion.

E monarca ta oficialmente presidente di Raad van State, un rol historico cual ta puramente simbolico den su naturalesa. Raad van State ta duna gobierno y Parlamento conseho independiente riba legislacion y maneho, y tambe ta e corte administrativo di mas halto di e pais. Ademas di e reunionnan plenario cu presencia di rey, Raad van State tambe ta consisti di un Division di Hurisdiccion Administrativo y un Division Consehero, cual su reunionnan no ta conta cu participacion di e rey. Di acuerdo cu esaki, e rey no ta involucra den practica den e dos area principal di actividad di e Conseho. E vice-presidente ta a cargo di e maneho diario di Raad van State y ta presidi riba su reunionnan.

Cargonan ocupa pa rey Willem-Alexander desde dia 30 di april 2013
 Presidente di Raad van State;
Miembro di hunta di Stichting Archief van het Huis Oranje-Nassau;
Miembro di hunta di Trust di Propiedadnan di Corona;
Miembro di hunta di Trust di Regalonan Real.

Cargonan honorario ocupa pa Willem-Alexander desde dia 30 di april 2013

Patron di Oranje Fonds (hunto cu reina Maxima;

Patron di Sociedad Real Hulandes di Ciencia y Humanidadnan;
Patron di Stichting Praemium Erasmianum;

Patron di Academia Real Hulandes di Arte y Ciencia (KNAW);

Patron di Asociacion Real di Cabayero di Orden Militar di William;
Patron di Sociedad di Literatura Hulandes;
Patron di Sociedad Biblico di Hulanda;
Patron di Sociedad Hulandes pa Comercio y Industria (‘de Maatschappij’);
Patron di Asociacion di Noblesa Hulandes;
Patron di Fundacion di Graf di Guera;
Patron di Asociacion di Boogschieten Historico di Limburg;
Patron di Asociacion Historico Oranje-Nassau (museo);
Miembro Honorario di Comite Olimpico Internacional (IOC).